GIUFA': Don Babà, sugnu sbarruatu, mi pari chi semu junti a fini du mundu.
DON BABA': Eh, figghiu beddu, è l'omu stissu chi sta subbissandu a terra. Non vidi comu si smuddica tutta, sta nostra bedda Sicilia? Ti ricoddi quandu ti dicìa chi bruciari i stippagghi era un dilittu?
GIUFA': I stippagghi suli si bruciaunu? U focu non ha mai risparmiatu nenti, nte nostri muntagni, mancu i cristiani, c'hannu murutu comu i muschi.
DON BABA' E mureru puru nta sti jorna. Chiuvendu, chiuvendu, a genti andava murendu pi l'acqua e pu focu. Pari na favula....spavintusa
GIUFA': Viditi don Babà? Stavota u focu non c'entra...
DON BABA': Autru chi no. C'entra e comu. Non ci sunnu chiù arburi che cu so radicamentu ponnu trattèniri u tirrenu, basta chi chiovi na picca chiù forti e a muntagna si sduvaca supra e casi, comu sta succidendu a Giampileri e a tutti l'autri paiseddi vicini.
GIUFA': Povirazzi, quanti morti e quanti casi spasciati. Ma dicu, na vota non si faciuni l'armacìi, chi petri, pi trattèniri a terra?
DON BABA': L'armacìi erunu na bona cosa, picchì erunu na specia di muritti a siccu chi sirviunu a frinari u tirrenu, ma oggi cu ti l'ava a fari? I marucchini chi ti travagghiunu a sambru? Ma vidi, Giufà, ci sunnu tanti autri scaciuni: u fattu, per esempiu, chi si fabbrica undi cazzu si voli ti pari nenti?
GIUFA': Non sulu. C'è puru nautra scaciuni:
DON BABA': Quali?
GIUFA':Chidda chi, quandu succedi un disastru, tutti currunu pi dari na manu, prumettunu mari e munti pi giustari i cosi e poi sinni futtunu.
DON BABA': Chistu è nautru par'i manichi.
GIUFA': A propositu, u sapiti chi Bellusconi dissi chi piccamatòra non ci veni?
DON BABA': Cè troppu fangu, troppa iacqua e ci pari chi si veni si metti mmenzu i pedi ...e non voli dari fastidiu...
GIUFA': E c'è piriculu chi duna fastidiu? O si scanta chi si lorda i tacchi?
2 commenti:
Bravo Francesco. Bellissimo post.
ChaoLin LinGiù
Mi associo a ChaoLin.Cicciu scrivi una favola breve per i bambini,con Giufà. A proposito, lo sai che Agorà chiuderà per mancanza di fondi?E lì ci scriveva i suoi articoli piccanti qualcuno collo pseudonimo di Giufà.Una voce libera che chiude battenti.Penso a quando anche noi chiuderemo, per forza di natura ,battenti.Spero che altri vorranno seguire l'esempio,per tener desta la critica e testa al potere, di per sè ingiusto.'Ahi serva Italia ...',chi ce lo ricorderà ancora?Franz
Posta un commento