PEPPINO BUZZANCA DOVRA' LASCIARE LA POLTRONA ALLA REGIONE

 L'AFFLIZIONE DI GIUFA' E IL BONSENSO DI DON BABA'

GIUFA' = Caru cumpari don Babà, mi pari che ca i cosi si mettunu mali.
DON BABA' = Chi c'è, Giufà chi ti rendi così pessimista?
GIUFA' = Comu chi c'è! No sapistu chi ci cumminaru o sindicu di Missina? U vonnu pi ffozza fari nesciri di deputatu reggionali. Ci ficiru a causa e u giudici stabbiliu chi iddu non po' fari cchiù u deputati.
DON BABA' = Ebbè! Non ci basta chi fa u sindicu, no sapi chi i missinisi hannu bisognu d'iddu jonnu e notti,
e poi ti pari giustu chi non si voli staccari u culu da seggia di Palemmu?
GIUFA' = Don babà, chistu non vu fazzu diri: iddu u culu su staccha di tutti i du seggi: chidda reggionali e chidda comunali.Masallura comu putissi fari chi sta na picca a Missina e na picca a Palemmui? Ca seggia ttaccata o culu non putiria viaggiari.
DON BABA' = Ma chi sta dicendu Giufà: è possibbili chi nesci sempri a Giufà!
GIUFA' = Ma dicitimi si iddu lassa u pallamentu di Palemmu, chi fa,  resta sempri a Missina?

DON BABA' = Vintiquattruri supra a vintiquattru...
GIUFA' = Poddàssi ch'è megghiu! Così si po' ntirissari veramenti da città, po' stari attentu e fili du tram e ne tagghiunu cchiù. U tram po' caminari e a genti non resta a ppedi.
DON BABA' = Comu dici tu, Giufà!
GIUFA' = Ma spiegàti na cosa, cumpari don Babà? Si Pippinu  si stacca u culu da seggia di Palemmu, cu è chi va mi si setta nta dda seggia?

DON BABA' = Chiddu chi ci fici causa, chi non vidi l'ura mi s'incodda u so culu.
GIUFA' = Mi pari a mia chi sta codda ci piaci a tanti.