martedì 24 aprile 2012

GIUFA' INVITATU A VUTARI NON SAPI U VOTU A CU CI L'HAVI A DARI

GIUFA' = Caru cumpari Babà, non sacciu com'a fari. Non pozzu nesciri nta strada chi mi inchiunu di pizzini...
DON BABA' = Chi sunnu sti pizzini, chiddi da mafia?
GIUFA' = No, chi diciti cumpari, a mafia a baccialona? No cà si tratta di...comu si chiamunu, nzumma i catti pi vutari.
DON BABA' = ah, 'ntendi diri i volantini pubbricitari...
GIUFA' = Si chiddi chi hannu stampata a facci di chiddu chi s'avi a vutari e i stemma, capistu chi vogghiu diri?..
DON BABA' = Certu chi capisciu, puru si tu pi fariti capiri ci metti assai. Perciò chi ti succidiu?
GIUFA' = Stavia caminandu pi fatti mè supra a banchina e stavu accura pi non ntruppicari, tantu  fracidi sunnu sti banchini. Cu mi veni davanti? U cavaleri Minchieccòmu cu nautru cristianu. Mi fimmò e mi dissi: "Giufaeddu, voti tu?" E iò chi ci rispundi?
DON BABA' = Chi ci dicisti?
GIUFA' = Ci dissi "SI", bellu forti. E iddu mi pigghiò pu brazzu e mi dissi: "U vidi stu cristianu chi è cu mmia?" "Sì, cavaleri, u vidu". E iddu: "Ti dugnu stu pizzinu, ca so croticafia, ti servirà pi quandu voti. Basta fari na cruci e scriviri u so nomi.
DON BABA' = E tu dissi u nomi?
GIUFA' = Mi dissi chi era scrittu nto pizzinu. Poi tutti i dui si misiru a parrari e chiddu da croticafia ci dicia: "Cavaleri, io staiu spindendu tutti sti soddi, ma semu sicuri chi si vota?
DON BABA' = E u cavaleri chi ci rispundiu?
GIUFA'= Pi comu capì iò, ci rispundiu noooo.
DON BABA' = Noooo?
GIUFA' = Nooooo! 
DON BABA' = E allura?
GIUFA' = E allura, sapiti chi fici iò: appena mi lluntanà, fici u pizzinu minguli minguli e tutti i pizzudditti i ittà nto cistinu da mundizza.Tantu, non si vota!



Nessun commento:

Informazioni personali

La mia foto
barcellona pg, messina, Italy
Questo blog non va considerato testata giornalistica: poichè i suoi post non vengono aggiornati con cadenza periodica e preordinata, non può costituire prodotto editoriale, ai sensi della legge n.62 del 7.3.2001. L'autore si dichiara non responsabile per i commenti ai vari post. Eventuali commenti dei lettori, lesivi dell'immagine o dell'onorabilità di persone terze non vanno addebitati all'autore, neppure quando vengono formulati da anonimi o criptati. Le immagini pubblicate, quando non sono di proprietà dell'autore, sono procurate con licenza di pubblico dominio o prese liberamente dalla rete. Nell’eventualità che qualcuna violasse i diritti di produzione, si pregano gli interessati di darne comunicazione a questo blog perché si provveda prontamente alla cancellazione.