Giufà:Vossiabenedica don Babà.
Don Babà: Ciau Giufà, chi nuvità mi potti?
Giufà: U sapistu ca simana passata andà a Paternò? Era a prima vota chi puttava a machina ntà ddu paisi e all’improvvisu mi truvà nta na strata fori manu.
Don Babà: E allura? Ti piddisti pi strata e non truvasti cchiù comu nesciri?...
Giufà: Nenti affattu. Anzi fu futtunatu.
Don Babà: Ah sì? Cuntimi, cuntimi.
Giufà: Mi fimmò un polizziottu e mi desi na manu. Mi dissi: U sapiti chi ccà non si trasi picchì c’è u senzu vietatu e cchi ora aviti a pagari a contravenzioni?
Don Babà: Oh, bell’aiutu. E quantu ti fici pagari?
Giufà: Lassatimi diri. Intanto mi fici u scuntu du cinquantapiccentu, e puru dissi chi m’avia a livari quattro punti da patenti e non mi livò. E fu così gentili chi m’indicò a strata c’avia a fari pi nesciri da ddu pasticciu.
Don Babà: E bravu a Giufà. A mia, sta storia du scuntu e di punta rispammiati mi fa ricuddari un fattu chi propriu ora stava liggendu nto giunnali.
Giufà: Piccasu hannu scrittu di mia?
Don Babà: No, no. Scuta chi tu leggiu: (ANSA) - CATANIA, 7 FEB - Si fingeva poliziotto o militare della Guardia di finanza e fermava automobilisti ai quali comminava contravvenzioni con lo 'sconto'.Questa la tecnica utilizzata da un presunto truffatore catanese di 34 anni, fermato dai carabinieri della compagnia di Paterno'. L'uomo era alla guida della sua vettura di 'servizio' al cui interno i militari dell'Arma hanno trovato una paletta d'ordinanza, una pistola giocattolo e circa 50 ricevute di false multe.
Giufà: Vuliti vidiri che nta ddi cinquanta ricivuti c’era puru chidda da me contravenzioni…. porca miseria, chi pigghiata pu culu…
Nessun commento:
Posta un commento