Giufà:Caru don Babà, iò mi scantu. Nto tribunali non ci ntrasu cchiù.
DonBabà: Ti scanti chi ti cundannunu all’irgastulu. Chi facisti di tantu mali?
Giufà: Iò non fici nenti. Sunnu i surici chi stannu facendu dannu. Addirittura ci cacaru nte carti dill’archiviu.
Giufà: Vaddàti, liggìti ccà:
Don Babà: Leggiu: “Nella cancelleria fallimentare del Tribunale di Barcellona Pozzo di Gotto, ci sono stati momenti di grande agitazione, perché sono stati trovati escrementi di topi in mezzo ai fascicoli dell’archivio”. Ebbè. Saranno stati cacatini di surici di campagna. Tu i vidisti quant’eranu rossi? Secundu a randizza si po’ stabiliri di chi surici si tratta.
Giufà: Iò non aiu vistu nenti. Sacciu sulu chi u Comuni ci mandò i specialisti antisurici, chi ci jttaru a ‘nnisca pi falli mòriri.
DonBabà: Ma non saria megghiu si ci mettiriunu na para di jatti?
Giufà: I jatti? Ma così, quattru e quattrottu, undi i pigghiunu i jatti?
DonBabà: Cindi sunnu tanti a stazioni vecchia. Ogni sira undi c’era u ponti da firruvia , nta Strata Villa, supra i muritti cindi sunnu du filarati, e veni na signurina chi ci potta a manciari e a mbiviri. Pensu chi saria na bona occasioni pi fari travagghiari ddi jatti, chi pi tantu tempu jannu manciatu a sbafu...
Giufà:Don Babà, u sapiti chi siti un geniu: Ma cu cciu dici ora o tribunali di fari st’opirazzioni?!?
Giufà & DonBabà
1 commento:
I GATTI ANDREBBERO BENE, MA BISOGNA STARE ATTENTI PERCHE' SI POTREBBERO TROVARE DI FRONTE DEI GROSSI RATTI ANZICHE TOPOLINI DI CAMPAGNA. e NON SO COSA SUCCEDEREBBE.
Posta un commento