Don Babà:- Ciau Giufà, avia assai chi non di 'ncuntraumu.
Giufà:- Eh, don Babà, sugnu troppu 'mpignatu piccamatora...
Don Babà: - Ah, sì? E chi 'mpegni hai?
Giufà: - Mi passu u tempu circandu peti peti chiddu chi stannu facendu di novu a Baccialona,
Don Babà: Ah, si? E chi stannu facendu di bonu?
Giufà: - Veramenti no sacciu: stamatina però vitti na cosa chi mi fici pinzari...
Don Babà: - Bravu, puru ti sforzi a pinzari! E chi era sta cosa chi ti fici pinzari?
Giufà: - Paratu davanti a villetta da libertà vitti un autocarru cu na grù, chi penzu è chiantatu a ddù postu pi cuminciari i travagghi di riparazzioni...
Don Babà: - Chi giustunu, a villetta libertina?
Giufà: - Così a chiamati vui? Libertina o libertà pi mmia è a stissa cosa. Limportanti è ca riparunu. Picchì così ponnu fari u museu di l'acchitettu Crinò.
Don Babà: - Ma chi dici, Giufà, io sacciu c'ancora pi ncuminciari i travagghi non sinni parra.
Vadda, ti leggiu na nutizzia appropositu: AVVISO DI CELEBRAZIONE GARA -"Si rende noto che l’inizio delle operazioni di gara relative ai lavori di restauro del villino Liberty nel Comune di Barcellona P.G. da adibire ad attività socio-culturali, previste per il 20/10/2009 e rinviate a data da destinarsi, sono fissate per il giorno 12/01/2010 - alle ore 9,30 *Il Presidente (ing. Gaetano Calabrò).
Giufà: - Scusati, don Babà; chistu chi significa?
Don Babà:- Significa, caru Giufà, chi u carru ca grù chi tu vitisti ddà, sicuramenti era pi ccimpicciari i lampadineddi di Natali: ammenu così cridu iò.
Giufà: - Ah, si? Stavota u dicu iò "Ah, sì", si pimmittiti! Si vidi allura chi, vistu c'ancora non l'annu pututu giustari, penzunu di riparari mpupandula???....
Nessun commento:
Posta un commento