GIUFA' = "I nostri operatori sono momentaneamente occupati, rimanga in linea per mantenere la priorità acquisita....I nostri operatori sono momentaneamen..
DON BABA' = Giufà, mi dici chi ti sta pigghiandu?
GIUFA' = Caru don Babà mi pari d'essiri divintatu un automa, a furia di sentiri ripetiri sta filastrocca o telefunu. Ata a sapiri chi stamatina, mi vinni a filici idea di telefunari o numiru virdi da RAI pi signalari chi da diversi jorna non rinesciu a sentiri radiu tri, chi mi piaci tantu.
DON BABA' = E allura?
GIUFA' = Stesi ttaccatu o telefunu precisamenti pi sessanta minuti, puntati cu ruloggiu, e pi tuttu stu tempu non fici autru che sèntiri sta cantilena ccumpagnata da na musichedda chi mi facia puru ddummintari, tantu chi cchiù di 'na vota mi cadiu u telefunu da manu...
DON BABA' = Ah, Ah, mi sentu cattugghiari a sèntiri sta to' svintura. E poi riniscisti a parrari cu l'operatori?
GIUFA' = No! All'uttimu ci dissi "AFFANCULU"... E mi dispiaci na cosa: chi propriu stamatina avia pagatu u canuni...
DON BABA' = Ora scutimi: iò, u jornu prima, sempri pu stissu motivu, fici u stissu numiru virdi 800111555 e dopu na vintina di minuti mi passaru u tantu decantatu operatori: ci cuntai u fattu e iddu mi dumandò d'undi stavu parrandu: ci dissi "da Barcellona Pozzo di Gotto" e iddu vosi sapiri si u codici pustali era 98051, e iò ci dissi "sì" e iddu mi dissi "Allora dipende dal ripetitore di Milazzo; grazie per la segnalazione, adesso riferirò al tecnico e lei potrà sintonizzarsi, perchè lui subito regolerà l'antenna".
GIUFA' = Ah, sì? E u vitti comu a rigulò bedda l'antenna di Milazzu, sulu chi non rinesciu a sentiri nenti, tranni chi tutti l'autri radiu privati, chi fannu a gara cu sava a fari sentiri cchiù forti.
DON BABA' = Caru Giufà, u vulemu capìri chi oramai st'andazzu è divintatu na virgogna? Ognunu fa chiddu chi cacchiu voli e niautri non putemu farici nenti: picchì i jammi e cani non si ponnu ndrizzari...
Nessun commento:
Posta un commento