VOTA GIUFA' CHI SAPI COMU SI FA

GIUFA' = "Uddiccì. Uddiccì
mi vo diri undi sì?
Sugnu ca arreti a porta
m'annu a dari un pezz'i torta
iò m'aspettu di st'amici
chi mi fannu fari u vici"
DON BABA' = Ma chi va cantandu, Giufà. Ntrasisti puru tu nta politica?
GIUFA' =  Caru don Babà, cà cu non si movi è pirdutu. Ora sapiti chi fazzu?...
DON BABA' = Chi vo fari, poviru Giufà: a sapiri chi ci vonnu i picciuli, pi fari a campagna littorali. E tu non mi pari tantu riccu.
GIUFA' = I soddi mi fazzu mpristari: vogghiu fari un manifestu quantu un linzolu e ci fazzu mettiri VOTA GIUFA' CHI SAPI COMU SI FA.
DON BABA' = E comu si fa?
GIUFA' = Comu annu fattu tutti l'autri...
DON BABA' = Ah, ora capisciu: 'na ffedda di cà e na fedda di ddà: bravu a Giufà, così si fa.